OnePlus-un rəsmi saytında Nord seriyasının ikinci nəsil smartfonlarının təqdimat tarixi barədə məlumat yayıldı. Məlumatı şirkətin baş direktoru Pete Lau da öz Twitter səhifəsində paylaşdı.
Şirkət rəhbəri şərhdə OnePlus Nord 2 5G-nin 22 iyulda satışa çıxarılacağını söylədi. Lakin şirkət yaxınlaşan smartfonla bağlı hər hansı bir məlumat açıqlamır. Bununla birlikdə, bu gün Nord 2, AI Benchmark tətbiqetməsində göründü, burada smartfonun MediaTek 1200-AI prosessor alacağı məlum oldu.
Bundan əvvəl gələcək yeniliyin 6.43 düymlük Full HD+ və 90 Hz yeniləmə sürətinə sahib AMOLED ekranla təchiz ediləcəyi bildirilmişdi. OnePlus Nord 2, bir neçə yaddaş seçiminə malikdir: 8 və ya 12 GB RAM və 128 və ya 256 GB yaddaş tutumu.
Cihazın qiyməti hələ məlum deyil.
Bizi Telegram kanalımızdan da izləyə bilərsiniz. https://t.me/infocity_az
