Xiaomi, şirkətin Çində yerləşən bütün mağazalarını koronavirus epidemiyası nəticəsində yaranan çətin vəziyyətə görə bağlamaq niyyətində olduğu barədə rəsmi açıqlama verdi.
Beləliklə, bu ilin 28 yanvar — 3 fevral tarixlərində Çindəki Xiaomi markalı bütün mağazalar bağlanacaq. İlkin məlumatlara görə, ölkədə vəziyyət pisləşərsə, son tarixlər uzadıla bilər. Şirkətin hesabatında deyilir ki, hər gün getdikcə daha ciddi dönüşlər alan epidemiyanın qarşısının alınması və onunla mübarizə üçün işlərin aparılması lazımdır.
Şirkət həmçinin bildirib ki, Xiaomi məhsullarını almaq istəyən hər kəs şirkətin rəsmi saytında və ya Xiaomi Mall tətbiqetməsində sifariş edə bilər. Çatdırılma şərtləri, offline mağazaların bağlanmasına baxmayaraq, dəyişməyəcəkdir.
