Google öz servisləri üçün dizayn dəyişikliyinə davam edir. Bir neçə həftə əvvəl Gmail yeni dizaynla istifadəçilərə təqdim olunmuşdu, indi isə Google Drive servisində dəyişikliklər edilir.
Ciddi yeniliklər olmasa da, ümumən Material Design-a keçid üçün addımlar atılıb. Faylları əlavə et düyməsi artıq yuvarlaqdır, boz fonu isə ağ fonla əvəz ediblər. Google Drive yeni dizaynla G Suite-da aktivləşdirilib, digər istifadəçilər isə yaxın bir neçə həftə ərzində yeniliyi əldə edəcəklər. Qeyd edilir ki, şirkətin bütün servisləri Material Design-a keçirdiləcək.
