«Hash Code» tələbə və peşəkarlar üçün «Google» tərəfindən təşkil olunan proqramlaşdırma üzrə komanda yarışıdır. «Hash Code»-da Avropa, Orta Şərq və Afrika ölkələrindən tələbə və peşəkarlar iştirak edə bilər. Komandalar 2-4 nəfərdən ibarət olmalıdır.
Yarış iki mərhələdən ibarət olacaq. İlk mərhələ 23 fevral saat 20:30-dan 02:30-dək online keçiriləcək. İlk mərhələni adlayan komandalar 1 Aprel tarixində Parisdə keçiriləcək final mərhələyə dəvət olunacaq.
Yarışda Google tərəfindən məsələlər təqdim olunacaq və sizin komandanız proqram yazaraq məsələnin həllini təqdim etməli olacaq. Qeyd edək ki, ötən ilki yarışlarda Data Mərkəzinin optimallaşdırılması, dron çatdırılmasının optimallaşdırılması, peyk əməliyyatlarının cədvələ yığılması və s. bu kimi məsələlər olmuşdur.
Qeydiyyatdan keçmək üçün bu keçiddən istifadə edin.
Xatırladaq ki, siz komandanızla online mərhələdə xüsusi «hub»-larda toplaşaraq yarışa bilərsiz. Belə «hub»-lardan biri ADA Universitetində yerləşir. Toplantıya bu keçiddən qoşula bilərsiz.
Son qeydiyyat tarixi 20 fevraldır.
Daha ətraflı məlumat üçün buraya keçid ala bilərsiz: https://hashcode.withgoogle.com/
