Formula 1 rəsmi resursu məlumat verir ki, Playstation 4, Xbox One və PC üçün təqdim olunacaq F1 2016 oyunu özündə 10 illik karyera rejimi və bu il Bakıda keçiriləcək yarışların (Baku City Circuit) yeni trasını birləşdirəcək. Oyunda sadə təhlükəsizlik maşınları ilə yanaşı VSC yazısı olan virtual maşınlar da yer alacaq. Onların müdaxiləsi zamanı sürücülər sürəti azaltmalı və trasda daha diqqətli hərəkət etməli olacaqlar.
Codemasters studiyasının aparıcı dizayneri Li Mezer (Lee Mather): «Yeni karyera rejimi F1 2016-ın bəzəyinə çevriləcək və oyunçulara 10 mövsüm boyunca yarışlar keçirərək öz əfsanələrini yaratmağa imkan yaradacaq. Ən sürətli və cəlbedici traslarda edilən yeniliklərlə yanaşı F1 2016 yarışların kulis arxası dünyasını ziyarət etmək imkanını yaradacaq. Bütün bu və digər bir sıra yeniliklər onu deməyə əsas verir ki, F1 2016 əvvəlki illərin oyunlarına nisbətən daha çox yeni imkanlar təklif edəcək».
F1 2016 rəsmi oyunu barədə daha ətraflı məlumat yaxın həftələrdə paylaşılacaq.
